Zarf/ Rregullat e lojës siameze

Një zarf i bardhë hyri në shtëpi, i cili sqaronte lojën siameze për banorët, të cilët mbrëmjen e kaluar nisën jetesën në çifte, si një trup i vetëm.

Në zarf thuhej se bluza duhet të hiqet vetëm kur banorët shtrihen për të fjetur dhe kur ata futen në tualet. Në rast se njëri prej dyshes, dëshiron të shkojë në tualet natën, atëherë duhet të zgjojë partnertin, të veshin bluzën, të shkojnë te dera e tualetit dhe njëri prej tyre futet brenda, ndërsa tjetri pret jashtë.

Duke veshur sërish bluzën, ata do kthehen në shtrat dhe do e heqin sërish për të fjetur. Zarfi specifikon se, në asnjë rast tjetër, bluza nuk lejohet të hiqet.

Nga ana tjetër, çifti duhet të përdorë vetëm njërën dorë, atë që është lënë jashtë bluzës, ndërsa dora tjetër duhet të qëndrojë brenda dhe është “jashtëfunksionale”.

Edhe në dhomën e rrëfimit banorët do shkojnë dyshe-dyshe, ashtu siç janë dhe ata janë të detyruar që ta mbjanë sekret bisedën në dhomën e rrëfimit, pa e ndarë me të tjetër.