Banorët

Amos Zaharia është aktor, regjizor dhe skenarist. E ka nisur karrieren e tij që në moshën 12 vjeçare . Ka luajtur shumë role në teatër e jo vetëm. Ka marrë pjesë në disa seriale të cilat kanë pasur sukses.

Antoneta Koci është influencer. Fillimisht është bërë pjesë e botës së medias në moderim. Popullaritetin më të madh në publik Antoneta e fitoi me pjesëmarrjen e saj në sezonin e parë të emisionit “Përputhen” duke thyer tabu.

Ariana Plakici është këngëtare e disa këngëve të cilat numërojnë shumë klikime në karrierën e saj 6 vjeçare. Ka mbaruar shkollën e muzikës në Gjermani dhe ka qënë pjesëmarrëse e shumë koncerteve në vende të ndryshme.

Armaldo Kllogjeri  është një nga talentet e mëdha të operës shqiptare, i cili po korr suksese jo vetëm në Shqipëri por edhe Europë. Ai është shpallur si këngëtari më i mirë lirik. Kllogjeri vazhdon të emocionojë zemrat e njerëzve në skenat europiane me talentin e tij të jashtëzakonshëm duke sjellë në jetë vepra të mëdha botërore.

Pirro Beati është fotograf i talentuar i cili ka pasur shumë bashkëpunime me personazhe të njohur shqiptarë. E ndan jetën mes Shqipërisë dhe Italisë ku ushtron më së miri profesionin e tij. Ai gjithashtu është drejtor artistik i televizionit “Oversport”.

Bjord Mezini është regjizor. Ai mori pëlqimin e madh të publikut që në moshen 20 vjeçare me pjesëmarrjen e tij në “Big Brother Albania 2” ku preku dhe finalen. Aktualisht ai e ka gjetur veten në regji dhe aktrim duke sjellë shpesh dhe projekte të reja.

Bledi Mane është gazetar, i cili ushtron profesionin e tij prej vitesh. Është spikatur gjithmonë për natyrën kontraverse dhe mendimet e tij kritike. Ka marrë pjesë në show dhe emisione të ndryshme televizive si gazetar por dhe një pjesë te mirë të rasteve si opinjionist.

Deamishel Hoxha është aktore dhe moderatore. Ka nisur rrugëtimin e saj televiziv me serialin “Hostel” ku dhe u njoh më gjerësisht me publikun. Më vonë u bë pjesë e jurisë së “ She’s on top” dhe aktualisht është pjesë e kastit të “E diell” si moderatore.

Diola Dosti është nutricioniste e njohur. Ajo është e ftuar shpesh në televizionet e Shqipërise dhe Kosovës për të përcjellë atë që ajo quan qëllimin e saj, ndërgjegjësimin e shoqërisë shqiptare mbi mënyrën e të ushqyerit. Ajo ka dhënë mësim në universitetin e Shkencave të Mjekësisë ku ligjëron profile të të ushqyerit. Gjithashtu ajo është anëtare e bordit të Akademisë italiane të nutricionit ku bëhet certifikimi i nutricistëve dhe dietologëve.

Efigjenia Dhedhes është make up artist. U bë e njohur për publikun me pjesëmarrjen e saj në emisionin e dashurisë “ Perputhen” ku mori dhe pëlqimin e publikut. Pas saj Efigjenia u bë pjesë e programit reality show “ Kepi i tundimeve”.

Elvis Pupa është aktor shumë i dashur për publikun. Pupa ka një karrierë të gjatë që në vitet 1998 deri më 2003 në të cilat ka qenë aktor në kompaninë teatrore “OAZ” dhe ka performuar në disa pjesë teatrale. Gjithashtu ka vazhduar pjesëmarrjen si aktor në festivale të ndryshme teatrore jo vetëm kombëtare por edhe ndërkombëtare si Itali, Egjipt, Maqedoni, Kosovë etj. Ne vitet 2000-2006 ka punuar si pedagog i fjalës artistike pranë akademisë së arteve, në fakultetin e artit skenik. Ai po ashtu ka qenë aktor në dublimin e filmave vizatimorë si: “Mbreti luan”, “Toy story 1 dhe 2”, “Ice age”, “Herkuli”, “Planeti i thesarit”, “Nemo”, “Mulan” etj. Admirimin më të madh nga publiku e mori me pjesëmarrjen e tij në “Portokalli” si aktor humori gjatë viteve 2004-2009. Në vitin 2011 aktori ka formuar kompaninë e produksionit “Elvis production”. Produksioni i parë i kësaj kompanie është komedia “Legjenda e fundit”. Në shtator të vitit 2016 Elvis Pupa drejtoi emisionin humoristik “M’fal për shprehjen”.

Eni Tare është model. I riu po jeton ëndrrën e tij të modelingut, të cilën e ka pasur që në fëmijëri. Ka pasur disa dalje televizive, photoshooting dhe së fundmi ka qënë pjesëmarrës në një emision televiziv ku ka qënë protagonist kryesor.

Ermiona Lekbello është ish-Miss dhe këngëtare. Ka marrë pjesë në kompeticione dhe festivale të ndryshme muzikore me këngë si: “Nuk të dua”, “Nuk ishte dashuri”, Ç’punë ke ti me dashurinë”, “Gjysëm ëndërr je o grua”, “Të pres” e të tjera këngë të pëlqyera të saj. E ndan jetën mes Italisë dhe SHBA.

Eva Alikaj është aktore e njohur. Me një karrierë të gjate, aktorja është nga më të shquarat në kinemanë dhe teatrin shqiptar. Ka fituar disa kupa festivalesh të filmit artistik. E njohur në shumë role të famshme si: Vera në filmin “Njeriu i mirë” (1982), Ana në “Jeta në duart e tjetrit” (1990), Etleva në “ Treni niset më shtatë pa pesë” (1988), Irena në “ Hije që mbeten pas” e shumë role të tjera. Por roli i famshëm i Evës si Elsa në “Pallati 176”mbetet historik në memorien e çdo shqiptari.

Fotini Derxho ose e njohur ndryshe “Fotinia e Big Brother” ka qenë fituese e edicionit të nëntë të “Big Brother”, edicion ky me një format ku konkurentët morën pjesë në çifte dhe së bashku me partnerin e saj të asaj kohe, Danjel arritën të rrembenin pëlqimin e publikut dhe çmimin e madh.

Gent Hazizi është aktor i njohur i skenës dhe teatrit shqiptar. Aktori ka luajtur një sërë rolesh në filma dhe seriale të cilat janë përqafuar shumë nga publiku. Në një nga filmat ku Hazizi ka interpretuar është marrë dhe çmimi “Filmi më i mirë” në festivalin e filmit të Busto Arsizios.

Herion Mustafaraj është aktor i njohur shqiptar. Ka luajtur disa role të njohura të filmave shqiptarë por e ka zhvilluar karrierën e tij edhe jashtë vendit. Roli i Benit në filmin “ Beni ecën vetë” është i memorizuar në gjithë familjet shqiptare.

Jori Delli është modele e cila ka zhvilluar karrierën e saj në Itali. Ajo jeton në Torino dhe është një nga fytyrat e Sportitalia. Përveç suksesit të saj si modele dhe spikatjes si një femër shumë e bukur dhe pasionante ajo është gjithashtu e pasionuar pas sportit, fitnesit dhe studion për Inxhinieri në Universitetin Politeknik të Torinos.

Keisi Medini është fotomodele shumë e pëlqyer për publikun dhe ka nisur karrieren e saj po ashtu si këngëtare. Në vitin 2019, Keisi dhe Seldi publikojnë videoklipin “S’ka Dashni”, në të cilin është kujdesur vetë për tekstin e këngës. Më 2020, Keisi publikon videoklipin “Alo Alo”. Dhe në 2021, Keisi publikon videoklipin “Criminal”, në bashkëpunim me Artixn.

Kejvina Kthella është modele. Ajo ka marrë pjesë në disa show televiziv si modele si dhe ka firmosur kontrata të rëndësishme modelingu brenda dhe jashtë vendit.

Kiara Tito është moderatore dhe modele e pëlqyer për publikun. Ka marrë pjesë në emisione televizive si “Dance with me” si dhe ka moderuar te tilla si: “Pop Culture”, “Style star”, “Doktor plastik”. 

Krist Aliaj ka mbaruar studimet e tij në Arte. Është bërë i njohur për publikun me pjesëmarrjen e tij në programin “ Love Story” ku ishte dhe protagonisti kryesor. I ftuar shpesh në talk show për të ndarë idetë dhe opinionet e tij të një këndvështrimi unik.

Mikela Pupa është sipërmarrëse. Ajo gjithashtu u bë e njohur për publikun me pjesëmarrjen e saj në “ Përputhen” në të cilin dukej se ishte një nga protagonistet kryesore me historitë e saj.

Nita Latifi është këngëtare e njohur dhe tekstshkruese. Që në vitin 2009, Nita Latifi ishte finaliste në “Star Academy Albania 4”. Më vonë në 2012 ajo mori pjesë në “Top Fest”, ku fitoi zemrat e publikut me interpretimet e saj live. Pas atij viti, Nita ka ardhur me projekte të reja vit pas viti duke marrë gjithmonë e më shumë pëlqimin e publikut.

Olta Gixhari është aktore e njohur e skenës dhe kinematografisë shqiptare. Ka luajtur në Teatrin Kombëtar si dhe ka interpretuar në filma mjaft të suksesshme.

Qetsor Ferunaj është ish fitues i edicionit të dytë të “Big Brother”. Qetsori ka qënë një ndër personazhet më të komentuar të të gjitha edicioneve. Pas fitores së “Big Brother”, Ferunaj u bë pjesë e formatit “Vip Shpija” në Kosovë, po ashtu një reality show ku zuri vendin e dytë.

Ronaldo Sharka është autor, gazetar dhe moderator. Ka nisur karrierën si gazetar në portale, radio dhe më vonë televizion. I njohur për ngacmime dhe pyetjet pikante, debatet e hapura pa censurë dhe natyrën e tij ekstroverte.

Sabiani është këngëtar dhe autor këngësh i njohur. Me një karrierë të gjatë që numëron miliona klikime, bashkëpunime më të tjerë artistë shqiptarë e të huaj, pjesëmarrje në festivale, shumë albume dhe koncerte brenda dhe jashtë vendit, Sabiani ka arritur të bëhet shumë i dashur për publikun.

Shpat Kërleshi është ish-basketbollist i KB “Vëllaznimit” në Kosovë, gazetar dhe moderator në emisionin “Për ditë të mbarë”. Shpati është mjaft tërheqës me fizikun dhe natyrën e tij energjike dhe në të njëjtën kohë është dhe instruktor fitnessi.

Tan Brahimi është humorist shumë i dashur për publikun. Karrierën e tij e nisi në një show humori “Al Pazar” ku spikati për humorin e tij shkodran dhe thjeshtësinë e artit të tij. Në këtë mënyrë fitoi menjëherë zemrat e publikut që e mbështet.

Me pjesëmarrjen e saj në emisionin “ Perputhen” shkaktoi shumë polemika por edhe pëlqim të madh nga publiku. Ajo moderoi emisionin “ Goca dhe Gra” në Top Channel.

Valbona Mema është një ndër zërat më të njohura të muzikës shqiptare me një karrierë të gjatë dhe një repertor të madh muzikor që në vitin 1985. Këngët e saj përveçse i dedikohen dashurisë e jo vetëm, njihen gjithashtu për ruajtjen e traditave autoktone shqiptare. Ka realizuar shumë albume, bashkëpunime dhe mijëra koncerte në mbarë trevat shqiptare.

Xhonatan Islami është përfaqësues i Shqipërisë dhe Kosovës për 8 vite në sportin e fluturimeve të lira në “Paragliding” ku është shpallur dhe kampion duke bërë krenare shqiptarët e Shqipërise dhe Kosovës.

Zhaklina Gjolla është gazetare dhe moderatore. E ka nisur karrierën e saj në redaksinë e lajmeve e më tej si gazetare në emisione, intervista dhe së fundmi punon si konsulente komunikimi.