“Keni krijuar fansat tuaj”/ Arbri – banorëve: Shumë njerëz mundohen t’ju kopjojnë

Hyrja e opinionistëve në shtëpi, ndryshoi disi atmosferën e trishtë që ishte krijuar. Arbër dhe Zhaklin iu bashkuan sonte banorëve për të darkuar, ndërsa veç batutave dhe energjisë pozitive që ata sollën në shtëpi, nuk munguan as këshillat, apo “kritikat” nga ana e të dyve.

Arbër i tha banorëve se ata janë bërë të rëndësishëm jashtë shtëpisë dhe se kanë krijuar mbështetësit e tyre. Ai shtoi se një numër i madh njerëzish, përpiqen t’i kopjojnë, flasin si ato, apo veprojnë si ato.

Një pjesë e shoqërisë, influencohet nga sjellja e banorëve u shpreh Arbëri, ndaj ai tha se banorët e kanë kapacitetin e duhur për të reaguar kur një debat shkon në një nivel tjetër.

Luizi nga ana tjetër u shpreh se kjo është thjesht lojë dhe nuk duhet marrë shumë seriozisht jashtë.