Bledi-Qetsorit: Nga flamurtar i lirisë, je kthyer në skllav 

Që prej hyrjes së tij, Bledi është treguar zëri më “kritik” në shtëpi dhe nuk ka përtuar asnjëherë t’ua thotë në sy banorëve mendimin e tij që ka për to.

Në një bisedë ditën e sotme me Qetsorin, Bledi i tha atij se e ka kufizuar lirinë brenda në shtëpi.

Qetsori e kundërshtoi mendimin e Bledit dhe u shpreh se një gjë e tillë nuk ka ndodhur. Ai shtoi se Bledi pretendon se e ka kuptuar atë, por në fakt nuk ka kuptuar asgjë.

Bledi u shpreh se gjatë emisionit radiofonik, ku ai, Qetsori, Nita dhe Keisi folën si katër shpirtra të lirë, ai vërtetoi që e ka kufizuar lirinë e tij, pasi vetë u shpreh se nuk po e menaxhonte dot aq mirë.

Sipas Bledit, nga flamurtar i lirisë, Qetsori është bërë skllav i lirisë. Ky i fundit u shpreh se ky është interpretim dashakeq.