20 mijë euro apo mundësinë për të nominuar banorët?! Përfundoi misionin sekret me sukses, çfarë zgjedh G Bani

G Bani dhe Laerti kanë pasur një mision sekret nga Vëllai i Madh. Ndërsa, Laerti duhej tu tregonte banorëve histori sureale dhe nga më të çuditshmet, G Bani duhej që të fitonte një përqafim nga çdo banor në shtëpi.

Me pak përpjekje, G Bani ia ka dalë ta kryejë me sukses këtë mision, dhe si shpërblim kishte dy opsione; të rifitonte të drejtën për të nominuar sërish, ose mundësinë që nëse arrin të fitojë Big Brother t’i shtojë 20 mijë euro çmimit të madh, duke i shkuar totali në 25 mijë euro.

Vlen të theksohet se, pas thyerjes së kutisë së emergjencës G Bani fitoi 5000 euro, por zarfi brenda fshihte edhe një dënim. Megjithëse, shpresonte për një penalizim kolektiv në zarf thuhej se edhe nëse këngëtari ia dilte të fitonte sezonin e 4-të të Big Brother VIP, do të merrte zero lekë.

“Ti sapo humbe të drejtën për të fituar 100 mijë euro të çmimit të madh, në rast se do të jesh ti fituesi i çmimit të madh”– shkruante ndër të tjera zarfi.

E sot që iu dha një mundësi e dytë nga Vëllai i Madh pasi përmbushi misionin, G Bani nuk hezitoi të zgjidhte paratë duke rritur vlerën e të ardhurave që do të marrë nëse fiton çmimin e madh.