I dha fund rrugëtimit për çmimin e madh, Bernardi rrëfen dy arsyet që e penalizuan në garë

Me tu eliminuar nga gara, Bernardi ka rrëfyer faktorët që e penalizuan duke i dhënë fund rrugëtimit të tij për çmimin e madh. Sipas tij, dy mund të kenë qenë arsyet; debatet me Gertin dhe impakti që mund të ketë pasur në publik dalja e tij hapur sa iu përket prirjeve seksuale.

Bernardi: Janë disa faktor që më kanë penalizuar në garë. Ndër to, me ardhjen e Gertit në shtëpinë e Vëllait të Madh, unë u tërhoqa diçka nga të qenurit më aktiv sepse kalova disa momente të cilat mendoja se isha i zoti ti menaxhoja si duhet, por në fakt nuk ja dola dot ti menaxhoja. Mendoj se pasqyrimi i negativitetit që Gerti fatkeqësisht përciell, ka qenë një ndër faktorët që kanë ndikuar publikun. Besoj se një e vërtetë tjetër është fakti se nuk besoj që publiku shqiptar është gati për një person si unë ose një person të komunitetit në kuptimin e plotë të fjalës.

Neda: Mendoj se pozicionimi i Bernardit pas Rozanës e ka penalizuar…

Arbri: Bëre mirë që fole për kauzën tënde, por nuk e di pse mënyra se si ti e trajtove episod pas episodi dukej sikur po kërkoje ndonjë plus. Në atë shtëpi ti ishe i barabartë me të gjithë, kjo gjë nuk të bënte ty të veçantë. Brenda lojës ishe i barabartë dhe ndoshta mund të ketë penalizuar fakti që loja jote ishte e përqëndruar vetëm këtu, ndërkohë që situatat ndryshonin brenda ditës.