“Nuk e kam mohuar ndjenjën time”/ Loredana dhe Jozi ribashkohen me njëri-tjetrin: Dashuria triumfon mbi çdo gjë

Duket se marrëdhënia mes Loredanës dhe Jozit ka marrë sërish një rrjedhë tjetër, me banorët që janë rikthyer së bashku.

Gjatë Prime-t, ata pranuan se e kanë falur njëri-tjetrin dhe se ka ende dashuri mes tyre.

Loredana: Nuk e kam mohuar kurrë ndjenjën time dhe nuk do vazhdoj ta mohoj. Nuk ka qenë e thjeshtë kjo periudha, por e ndjej që ia vlen. Kam akoma nevojë për pak kohë. Normal ajo që ka bërë me Olën, nuk e përtyp dot aq kollaj. Kam frikë, sepse ajo që ka bërë Jozi, unë nuk do e bëja, t’i hapja derën askujt.

Ledion Liço: A e ke falur Jozin?

Loredana: E kam falur.

Ledion Liço: Jozi, ti a e ke falur Loredanën?

Jozi: Po. Të them të drejtën ndihem mirë. Por prisja më shumë në ditëlindjen time. Të isha unë në vendin e Loredanës, i kisha lënë mënjanë të gjitha ato gjëra. Mu desh mua t’i shkoj dhe të bëja atë hapin. Kur ka dashuri, nuk ka asnjë vështirësi. Sado të mundohen të flasin gojët e liga, mendoj se është dashuria ajo që triumfon mbi çdo gjë.

Loredana: Në shumicën e rasteve, ne kemi mendime të ndryshme dhe për këtë na bëjnë me faj në shtëpi.