“Nëna ndërroi jetë nga kanceri”/ Banorët në lot, Artani rrëfen linjën prekëse të jetës: Takova vëllanë pas 23 vitesh, më tha s’të njoh

“Ky arush ka mbi 25 vite. E kam dhuratë. Çuditërisht, kudo që shkonim ishte prezent ky arush. Është një kujtim. Është një arush, një nga dhuratat në atë kohë, një dhuratë shumë e bukur. Unë ja kam bërë dhuratë gruas. Ta them fiks se çfarë më ka thënë. Ajo është pak e sertë dhe e rregullt. Duhet të jesh shumë i guximshëm t’i afrohesha.

I thash të ka rënë diçka në qerpik, mbylli sytë dhe unë e putha në buzë. Që nga ajo ditë, se goditjen e bëra shumë të fortë, duhet të gjesh edhe momentin, jo vetëm të presësh çfarë do bëjë femra. Unë jam rritur nga nëna. Babai na la kur isha 8 vjeç. Kur rritesh nga një femër e fortë, ja di kë ka pikë të dobët. Kam 2-3 shoqe që janë shumë të forta.

Babi im vdiq në moshën 30 vjeçare. Fati i bëri që ata të dy të ndaheshin. Në 98 zbuluam që mami ishte me kancer. Nuk e fusnin as në operacion. Edhe kur ishim në spital i kishte sytë nga vëllai, Albani. Më tha o Zot aty ku do shkel këmba jote, të ketë vetëm lule. Pastaj në moshë 49 vjeçare mamaja ime mbylli sytë për gjithë jetën.

Vëllai im Albani, në 2000 më tha një shok që ka ardhur vëllai, Albani. Qau për mamanë, pas tre muajsh ikën prapë në Greqi. 23 vite nuk e dija fare se ku ishte. Në 2023 më tha një miku im që kishte gjetur Albanin. Alban i thash, jam Tani vëllai jot, s’të njoh më tha. U shokova, nuk dija çfarë të bëja. Akoma dhe sot nuk e di se çfarë ka ai njeri”, u shpreh Artani në linjën e tij të jetës.